Divendres los 15 de junh los calandrons de la classa de cicle 3 an presentat un espectacle sul tèma del becut e de la diferéncia. Joguèron « Mange-moi » de Nathalie Papin dins las doas lengas e diguèron de poesias de Victor Hugo e Maurice Carême. Los becuts son pas totjorn çò que cresem!
L’espectacle de dansa a « St Pierre des cuisines » pels GS-CP-CE1
Dimenge lo 25 de mai de 2014 los mainatges de cicle 2 presentèron la resulta del trabalh d’una annada tota amb los joves professors de » l’Institut Supérieur des Arts de Toulouse ». D’autras escòlas (Calandreta de Garoneta e Escòla publica Lakanal) èran aquí. Los mainatges monstrèron cossí occupar l’espaci, cossí interagir amb la musica, amassa. Foguèt un moment formidable pels mainatges e pels parents
Rando a Ròca Fissada (Roquefixade) pels CM1 e CM2
Novèla rando pels CM caminaires ! Aqueste còp entra Fois e Lavelanet (L’avelanièr: le noisetier): a Ròca Fissada (Roche fissurée) . Caminèrem sul sentièr catar e sul Gr 107 qu’es un camin que va duscas Espanha , qu’es un vielh camin de comerci e d’escambi entre los 2 paeses. Faguèrem qualques quilomètres a l’entorn del castèl dins los bòsques (forêts) acompanhats per Pierre e Thérèse de l’observatòri de la montanha . Contunhèron de nos dubrir los uèlhs sus l’environa: arbres, flors, activitats dels òmes an aqueste endreit. Aprenguèrem fòrça causas coma a cada sortida. Amb la prima (printemps), las flors èran aquí per milièrs e mai que mai d’orquidacèas (orchidées) qu’an de noms plan estranhs, Thérèse aviá menat un libre dels « Cahiers du CPN » per reconéisser las diferentas varietats de flors, de parpalhòls, d’arbres. Vegèrem fòrça escagaròls (escargots) sul versant sud empr’amor del sòl calcari. Empruntèrem un camin (chemin) ancian que los paisans bastiguèron autrescòps (autrefois). 50 ans fa, en plaça dels bòsques i aviá de prats, es incredible d’imaginar ! Lo camin ancian menava los òmes d’un prat a l’autre. De pialas de pèiras testimonhan que los paisans tiravan las pèiras dels prats per cultivar melhor. Vegèrem una cauna (grotte) e d’unes la « vistalhèron ». La vista (la vue) èra magnifica: vesiam luènh lo castèl de Montsegur e tota la vallèia!
Ara nos triga la darrièra rando de l’an al refugi lo 26 e lo 27 de junh! A plan lèu
[nggallery id=48]
Randonada al còl dels « Marrous » pels CM
D’en primièr, Julien, un dels gardians del refugi d’En beys en Arièja venguèt en classa nos explicar lo seu mestièr e lo fonccionar d’un refugi en 2014. Nos sensibilisèt a las energias renovelablas utilisadas pels refugis per fins de respectar l’environa ont se tròban. Aprestèrem la randonada en espepissant la mapa 1/25000 e en fintar los noms dels luòcs: èran totes en occitan! Lo dijòus 24 d’abrial anèrem pel primièr còp en montanha: al còl dels « Marrous » en dessús de Fois a quasi 1000m d’altitud. Aquí los acompanhators Jérôme de l’Observatòri de la montanha, Stéphane e lo seu gos Tondo nos esperavan a costat d’una anciana colonia pels asmatics. Nos desseparèrem en dos grops per descubrir la forèst, conéisser melhor l’accion dels òmes dins lo paisatge an aquel endrech. 150 ans fa, los òmes d’aquí èran carbonièrs. Vegèrem de traucs cavats pels òmes per fargar lo carbon per lo poder menar a la farga (forge) dins la valada (vallée). Los ariegeses d’aquí modifiquèron lo paisatge en cremar la fusta mas tanben en tornar plantar d’arbres en regas sarradas e plan alinhadas. Al luènh vesiam lo castèl de Fois que jamai foguèt pas près e que se trobava just dins çò que se sona una clusa (cluse): una valada perpendiculara a la montanha, cavada per un riu o per un glacièr.
Per çò qu’es de la forèst , es gerida per un organisma, l’ONF e i podèm trobar de simbòls diferents suls arbres per delimitar de parcelas pel boscassièr e pel forestièr. Pels esportius (VTT, caval, randonada) d’autres simbòls existisson per indicar lo camin. Aprenguèrem plen de causas coma: culhir l’ortega (l’ortie) sens se far fissar, reconeisser lo liquèn , lo sistre (schiste), qualques arbres fuelhuts (lo bèç – bouleau- lo fau -hêtre-…) , lo grifol (houx) que sas fuelhas mai nautas fissan pas, observèrem de traças d’animals, … comprenguèrem un pauc melhor cossí un mitan s’equilibra tot sol amb los animals e los vegetals que lo pòblan.
Foguèt un plan bona jornada e las nívols nos daissèron profitar de plan. Mercés a totes acompanhators e parents.
[nggallery id=47]
Carnaval a l’escòla !
[singlepic id=1555 w=320 h=240 mode=watermark float=center]Dijòus lo 10 d’abrial festejèrem Carnaval a l’escòla! Lo matin las regentas e las ajudas organisèron de talhièrs ont grands e pichons se mesclèron (mélangèrent): pescajons (crêpes), mascaratge (maquillage), fabricacion de l’òme carnaval, masquetas, Beat box amb Fabien pels GS-CP e musica amb Dorémifasolelh pels PS-MS. Lo solelh brilhèt e pantaulegèrem defòra aquest còp. Lo vèspre faguèrem lo jutjament e partiguèrem en farandòla pel passa carrièra accompanhats dels musicaires de l’associacion Brancaléone: François Bacabe e Xavier Vidal a la bodega, Rita a l’acordeon, jean Marc Leclerc al banjo e al pòrta votz e Maxence ( al la couicà?). Anguèrem en canturlejant duscas lo pargue public de l’escòla de musica e tornèrem a l’escòla per cremar l’òme carnaval en tot cantar. Plan mercé als parents que participèron a l’encadrament pel passa-carrièra. Foguèt un plan bon moment que s’acabèt per un vrespalh.[nggallery id=46]