Auteur/autrice : severine

diluns lo 31 de març faguèrem nòstra tresena randonada a l’entorn de Latrapa qu’es un plan polit vilatge  en naut d’un pueg, qu’ofrís un panoramà extraordinari suls Pirenèus ! Quina plan polida jornada: la prima èra plan aquí amb sos arbres en flors e sos mila verds pels prats. Caminèrem de plan e sul camin encontrèrem de vielhs que fasián l’òrt o que prenián lo solelh. Avèm parlat amb eles en occitan o puslèu coma lo dison en « patoès ». Foguèron plan estonats d’ausir parlar los calandrons! Vegèrem de tractors tanben qu’espandissián de pesticida e de teuladas imensas de panèls fotovoltaics ….. Observèrem los noms occitans de las bòrias.

Vos daissam descubrir las fòtos luminosas d’auela jornada plena de vam e de solelh! Nos triga ja la randonada seguenta[nggallery id=45]

En talhièr d’arts plasticas avèm transformadas de brústias de cauçaduras ! N’avèm fait d’aquariums, de castèls, d’espaci imaginaris, de botigas , de pesquièrs….  cadun faguèt çò que volià !

[nggallery id=44]

Partiguèrem d’Espanès e caminèrem duscas Clarmont al fòrt (Clermont le fort), fa quicòm com 5 km. Nora e Corinne, de mamàs nos acompanhèron. Marchèrem dins çò qu’aplema una « repisilva » (répisylve), es a dire una forèst a la broa d’un riu . Stéphane nos expliquèt plen de causas tornamai. Lo camin èra fangós e risèrem en tot limpar! Descobriguèrem d’embaclas (des embâcles) : un fenomèn d’acumulacion de la fusta dins lo riu, qu’es a l’encòp un avantatge (d’animals i pòdon bastir un abitat) e un inconvenient (empacha l’aiga de rajar coma cal). Seguiguèrem lo riu duscas lo bas del vilatge de Clarmont, al pè d’un caminòl botanic. 

Tot lo monde èra plan estrambordat e lo solelh puntèt son nas alara qu’aviá plogut pendent los 15 arrièrs jorns ! Dins la repisilva èrem protegit del freg. Nos triga ja la passejada seguenta![nggallery id=38]

Partiguèrem de l’abbàdia d’Eaunes per caminar duscas la taula d’orientacion en dessús d’Estantens puèi arribèrem sus las nautors de Murèth. Passèrem per la forèst ont observèrem los arbres, los fuelhuts, los garrics mai precisament.  Vegèrem plen d’insectas e traças d’animals. Tot lo monde èra plan estrambordat e lo solelh  èra de la partida. Stéphane e Yannick nos acompanhèron e nos expliquèron fòrça causas. Nos triga ja la randonada venenta !

[nggallery id=37]

La classa de cicle 3 trabalha tornamai sus un projèste de film d’animacion amb l’ajuda de l’associacion la Ménagerie. Ongan, serà sus l’istòria de murèth çò que permèt a la classa de 3 nivèls de trabalhar los diferents periòdes de l’istòria. La vesita del musèu Clément Ader de Murèth nos ajudèt plan a comprene l’evolucion de la vila. Avèm degut far de causidas que podèm pas parlar de tot! Pel moment ne sèm a escriure, dessenhar, descopar, articular (patafixar! )los diferents element del decòr e los pesonatges. Lo rodatge se farà al mes de març amb l’ajuda d’un musician per çò qu’es del son.[nggallery id=32]