Per festejar los anniversaris los parents preparan una còca. Lo matin cantam « polit anniversari » e bufam las candelas!
« Polit anniversari
Te disem que t’aimam plan
Te disem, te disem, te disem que t’aiman plan… »
Cada matin fasèm l’acuèlh dins la classa. Los parents pòdon demorar un moment per jogar o legir una istòria. La classa comença amb un dejunar collectiu. Aprèp la collacion es lo moment dels rituals al canton. Parlam del temps que fa, fasèm la data, se comptam e se marcam als talhièrs. A la fin de la matinada fasèm la motricitat, dansam, cantam.
rondas, musica e gimnastica.
de vegetals descopats dins los catalògs. « Es pas aisit de descopar amb los cisèls! »
Al mes d’octobre 2010 anguèrem a Midi-ceuillette a Portet/Garona per vistalhar l’òrt. I anguèrem amb lo bus. L’òrt èra gigant. I avian cogorletas, marijanas, pebrons, pomas d’amor, pastenagas. Un fum de fruchas e de legums e plen de colors, verd, jaune, roge…Pujèrem a l’escala per culhir las figas, las tastèrem sus plaça. Al tornar nos arrestèrem a las pastenagas. Calia tirar sus las tijas. Eran duras.
La setmana d’aprèp, en classa, cosinèrem los legums. L’ensalada de legums èra bona amb un pauc de sal e d’òli d’oliva!
Al mes de novembre e decembre un musicaire de l’associacion SONARE venguèt nos far descobrir l’instrumentacion Baschet. Son d’instruments a percussions impressionants que fan de sons doçes, estranhs, estonants. Amb Gregory, lo musicaire, joguèrem a imaginar una sèlva. Erèm a l’entorn de la forèst e fasiam la musica quand lo lop èra dedins, s’arrèstavem quand lo lop ne sortissia. Avèm escotat lo silenci!