Vida vidanta dels pichonets

los jòcs de societat
canton bibliotèca
la cosina
las veituretas

Cada matin fasèm l’acuèlh dins la classa. Los parents pòdon demorar un moment per jogar o legir una istòria. La classa comença amb un dejunar collectiu. Aprèp la collacion es lo moment dels rituals al canton. Parlam del temps que fa, fasèm la data, se comptam e se marcam als talhièrs. A la fin de la matinada fasèm la motricitat, dansam, cantam.

rondas,  musica e  gimnastica.

sus la pista ciclabla en recreança!
la taula de las descobèrtas
la dormida

L’escaleta

L’escaleta, “courte-échelle”, es lo ligam entre los mai pichons e los mai bèlses. Los grands que desiran paisselar un mai jove per l’ajudar a creisser, per jogar amb el, per li aprene a saupre far. La relacion amistosa es al centre del projècte de l’escaleta.

Tends la main

Sortidas

al biais d’Arcimboldo
Avèm fargat de tablèus al biais d’Arcimboldo amb d’imatges

de vegetals descopats dins los catalògs. “Es pas aisit de descopar amb los cisèls!”

Al mes d’octobre 2010 anguèrem a Midi-ceuillette a Portet/Garona per vistalhar l’òrt. I anguèrem amb lo bus. L’òrt èra gigant. I avian cogorletas, marijanas, pebrons, pomas d’amor, pastenagas. Un fum de fruchas e de legums e plen de colors, verd, jaune, roge…Pujèrem a l’escala per culhir las figas, las tastèrem sus plaça. Al tornar nos arrestèrem a las pastenagas. Calia tirar sus las tijas. Eran duras.

La setmana d’aprèp, en classa, cosinèrem los legums. L’ensalada de legums èra bona amb un pauc de sal e d’òli d’oliva!

pelar e copar los legums

Projècte musica 2010

Al mes de novembre e decembre un musicaire de l’associacion SONARE venguèt nos far descobrir l’instrumentacion Baschet. Son d’instruments a percussions impressionants  que fan de sons doçes, estranhs, estonants. Amb Gregory, lo musicaire, joguèrem a imaginar una sèlva. Erèm a l’entorn de la forèst e fasiam la musica quand lo lop èra dedins, s’arrèstavem quand lo lop ne sortissia. Avèm escotat lo silenci!

le chandelier

lo siulant

ensemble

face à face musical
a la bagueta o amb los dets

101_2812