Del mes de novembre al mes de març anam bastir un film d’animacion amb l’associacion La ménagerie. Johana venguèt nos explicar l’istòria del cinema e cossi èran bastit los primièrs films d’animacion amb lo zootrope e lo flip-book .
La fabricacion de l’imatge : 12 imatges a la segondas !
Lo projècte film d’animacion es subreplan ! Causiguèrem las expressions. Faguèrem los personatges e los decòrs. Joana nos ajudèt. Alizé faguèt « la lenga me fa tifa tafa » , Bastien faguèt « plegar la taula ». Diluns e dimarç faguèrem lo rodatge del film. Per plegar la taula prenguèrem 224 fòtos per 18 segondas. Per la lenga me fa tifa tafa prenguèrem 144 fòtos per 12 segondas. Mentre 1 mes trabalhèrem suls decòrs! Anam far lo son a la fin del mes.
ALizé e Bastien
Ieu, per ma partida dins lo film d’animacion illustrèri l’expression “bufar a far virar las alas d’un molin” e “m’escarlimpas lo fetge”. Lo faguèri amb Théo e Taline. Era fòrça plan. Johana venguèt per nos esplica cossi es fargat un film. Puèi comencèrem d’imaginar lo film. Uèi
fasèm lo rodatge: botam nòstre decòr sus una placa luminosa e prenem de fòtos avèm una camerà e un ordenator. Dins pas gaire anam parlar del son amb una ingeniora del son.
Rosalie
Çò que pensi del film d’animacion es qu’es plan. Dins ma partida “se fotre un cascabèl en clòsca”una filhòta demanda a sa mamà se pòt anar defòra. Mas la mamà refusa. La filhòta i va de tot biais. Fa de balançadoira e fa de limpador en far un salt en dabans. Aprèp l’eriç se solelha. Puèi l’esquiròl manja de pomas. Dins l’òrt i a fòrça vent e lo solelh brilha, i a pas de nivols.
Ines
Lo temps s’encabana son plen de nivols que se crosan puèi vesèm pas res pus dins lo cèl. Còp sèc vesèm plen de nivols s’encontran e forman una cabana. Un nivolet va dins aquela cabana de nivol e saluda.
Samuel
Ieu, mon film èra lo temps s’encabana, lo faguèri amb Milio e Samuel. Joahana nos ajudèt per lo rodatge. Era amusant pr’amor nòstre bonòme avia las cilhas en bas quand èra pas content e las cilhas en naut quand èra content.
Tristan
Plegar la taula – Faguèri un film d’animacion amb Bastien. Rosalie prenia las fòtos. Era fòrça amusant perque los elements del decòr bolegavan. La fin èra fòrça malaisida perque èra malaisit de plegar la taula. Era plan de fargar los personatges en papièr e de los far bolegar dins lo decòr.
Quentin
Per bastir de castèls dins la luna. Se passa sus març. Amb Lucie volem far aparèisser un personatge que va far aparèisser un escagaròl que se va transformar en ostal. Lo personatge va botar un drapèl sul teulat de l’ostal. Aquela persona va an
ar sus la luna e va saludar la camerà. Aquel projècte èra plan de far perque càmbia de las sortidas e coma aquò trabalham amb d’autras personas e es plan de trabalhar sus las expressions perque las podem illustrar e imaginar.
Jordane
Es plan de far un film d’animacion perque es risenc. Lo que faguèri es « se plumar la tufa ». A la fin lo bonòme s’arranca tres còps los pelses e aprèp es envirat de pelses. Era aisit de far perque per far las fòtos sufisia de clicar sus la barra espaci de l’ordenator. Mas aquò pren fòrça temps. Nòstre film dura 13 segondas mas prenguèt una mièja jornada de far !
Constantin
L’enregistrament del son
Lo 25 de genièr, Benedicte venguèt per enregistrar lo son . Era acompanhada de Hugo, e faguèrem de bruches amusants. Alizé farguèt los bruches de « la lenga me fa tifa tafa » e Bastien faguèt los de « plegar la taula ». Venguèron amb un ordenator e un micro. Quand parlavem dins lo micro, Bénédicte l’enregistrava dins l’ordenator. A la fin totas las locucions èran quasi acabadas. Tot lo monde èra content.
Alizé e Bastien
La projeccion al cinema MERMOZ
Divendres lo 25 de febrièr a 6° (18h) projetarem nòstre filmòt al cinema Mermoz. Lo film dura pas que qualques minutas mas foguèt un plan long trabalh e l’anam presentar.
Pour ceux qui n’ont pas pu assister à la projection au cinéma « Le Mermoz », retrouvez le film sur le site.