Dijoùs lo 17 de febrièr

Adissiatz parents,

Uèi encara serà la còla pedagogica que vos contarà la jornada per que avèm agut una jornada plan emplenada. Aqueste matin avèm agut la suspresa de véser que la nèu tombava, avèm dejunat e sèm anat esquiar. Avèm fait fòrça progrèsses. Ara tot lo mond se sap arrestar en caça-nèu! Puèi avèm manjat de bon polet amb de ris e puèi nos sèm anats pausar. Al revelh, avèm fait d’activitats coma de dessenhs, de jogar dins la nèu o de gaitar un pauc de dessenh animat. Aprèp aquò èra ora de s’anar lavar e de recaptar las maletas per que deman aurèm una matinada plan cargada abans la partença…

La jornada foguèt fòrça bona e s’es acabada per una pichòta fèsta que nos agradèt. Ara sèm lasses, nos anèm colcar per essèr en forma pel darrièr jorn…

Bona serada, a deman!

Los calandrons al Mortis!

Dimècres lo 16 de febrièr

—Adissiatz Papà e Mamà,

Mas uèi es pas lo vostre drolle que vos conta sa jornada pr’amor ne profitèt talament qu’agèt pas léser de se brancar sus Internet; alara es la cola pedagogica que pren lo relais. Mas vos dirèm pas cal escriu ! A vos de devinar . . .

Aqueste matin, plan solide solelh e nèu deliciosa. Tre 9 oras erèm sus las pistas, amb los nostres monitors, e tot lo mond faguèt de bèlses progresses. E lo vèspre, los mai afogats tornèron partir amb Guillaume e Marie. Mas vaqui pas, qu’a 17 oras -alara qu’èrem plan en cambas- an arrestat lo tira-cuol e tot lo mond se’n anguèt. Alara nosautres demorèrem sus las pistas e los esquis al pè, cadun de son biais, tornèrem pujar lo mai naut possible per poder profièitar de la davalada. E quitament la doas mai valentas arribèron al som de la pista. Era genièc d’èsser los sols sus la pista !

La jornada foguèt agradiva, avèm fach fòrça progresses en esquìs… la dormida èra la planvenguda aprèp! Avèm jogat puèi avèm agut un conte per la velhada. Vos desiram una bona serada e a deman.

Dins lo grop dels mai pichons sabèm quasi far lo caça nèu, deman prendrem lo tapis e davalarem una mai longa davalada. Vertat que lo vèspre, foguèrem contents de se pausar. D’unes tornèron sortir aprèp la pausa e acabèron l’iglo qu’aviam començat ièr mentre que d’autres damorèron suaus e agèron plaser a far de corièr. Coma de costuma, se tornèrem trapar per jogar, riguèrem plan per la docha. Lo repais foguèt bon, aqui tanben sèm plan contents pr’amor cambiam tostemps de vesin e podèm parlar amb qualqu’un de diferent. La serada foguèt corta a l’entorn d’una istoria ; puèi potons e los uèlhs se son tampats plan lèu… Bona nuèit…

Dimarç lo 15 de febrièr

La jornada s’es plan passada, qualques enfants vos van contar la nòstra jornada que s’es acabada per una pichòta velhada…

Aduèi faguèrèm d’esquì amb los monitors e tanben aprenguerèm lo cassa-nèu e tanben aqueste vèspre un grop partiguèt far d’esqui e tanben lo grop faguèt de tira-cuol. ( Chloé ce1)

Nos sèm passejats aprèp avèm lisat sus la nèu, nos sèm jetat de bòlas de nèu. Sèm anats jogar a la passejada. (Mayla GS)

Aqueste matin, sèm anat al esquì. Avèm fach de pichons passes, nos a pujat per davalar. (Arthur CP)

A miègjorn avèm manjat de pastenagas, de carn amb de ris e de salsa amb de campairòls e en dessèrt un liuç al chocolat. Era bon. (Clara GS)

Faguerèm de cassa-nèu, puèi avèm jogat als jòcs de societat, puèi avèm facha la pauseta, avèm totes dormit, puèi nos sèm anats passejar dins la selva, avèm encara jogat. Nos sèm lavats e nos sèm botat en pijamà. (Gilian CE1)

Lo matin nos sèm desrevelhats d’ora, avèm dejunat e aprèp sèm montats dins la sala de jòcs. Nos sèm assietats e avèm botat los afars d’esquì, aprèp avèm fach de grops de debutants e un grop amb los que sabon far d’esquì. Aprèp sèm tornats e puèi n’i a que son anats far d’esquì e d’autres se passejar. Avèm fach lo tira-cuol. (Melina CP)